அகலமாகிறது ஆடியபாதம் வீதி யாழ்ப்பாணம் கொக்குவில் சந்தியையும், கல்வியங்காடு சந்தியையும் இணைக்கும் ஆடியபாதம் வீதியை அகலிக்கும் பணிகள் ஆரம்பிக்கப்பட்டுள்ளன.கல்வியங்காடு சந்தை, திருநெல்வேலி சந்தை, யாழ் பல்கலைக்கழக மருத்துவபீடம், கொக்குவில் இந்துக் கல்லூரி ஆகியவற்றை இணைக்கும் சுமார் 3.5 கிலோ மீற்றர் நீளமான இந்த வீதி 7 மீற்றர் அளவுக்கு அகலிக்கப்படவிருப்பதாக அகலிப்புக்கான அளவீட்டுப் பணியில் ஈடுபட்டுள்ள பணியாளர்கள் தெரிவித்தனர். Sierra நிறுவனத்தினர் இந்த வீதியை அகலிக்கும் பணியைப் பொறுப்பேற்றுள்ளதாகவும், தற்சமயம் வீதி அகலிப்புக்கான அளவீட்டுப் பணிகள் நிறைவடைந்து வருவதாகவும் அவர்கள் மேலும் குறிப்பிட்டனர்.
இந்த வீதியை அகலித்து காப்பற் வீதியாக்குவதா அல்லது தார் கலவை வீதியாக அமைப்பதா என்பது குறித்து இன்னமும் தீர்மானிக்கப்படவில்லை என்றும் அவர்கள் மேலும் தெரிவித்தனர்.
jaffnatoday
